Shillong, Jylliew 09: U Bah Ryngkynsai Kharbuki Executive Member jong ka Khasi Hills Autonomous District Council (KHADC) ba dei peit ia ka tnad khaii pateng u la ong ba yn dang khot ia ki ophisar ban kylli hato ka don shisha ne em kata jingjah jong ki phail.
Haba kren ha u SP News Agency u la ong ba ia mynta ym pat lah ban ong ka dei shisha ne em kane ka jingkynnoh ba ki jah ki phail kiba ia dei bad ki Trading License, ha dien ba u la khot bad kylli na ki ophisar un sa lah ban ong ka dei ne kam dei ia mynta ym pat lah ban ong ei ei.
Na ka liang jong u EM ba dei peit ia ka tnad khaii pateng u la ong ba ha ka jingsngewthuh jong u ki phail ki dei ban don ha ophis namar ki dei ki jong ka ophis bad ki dei ban don ha ophis.
La ong ba ha kine ki sngi yn sa khot ia ki ophisar ban kylli na ki halor kane bad lada kim don ha ophis la hap ban phah tohkit ban lap sha ei ki jah ki phail na ophis , na ka liang jong u EM u la ong ba ngeit skhem ba kin don kin nym dei ban kah.
La iathuh ba kane ka dei ka por ba ki briew ki wan ban pynthymmai ia ki trading license jong ki la da kim don ha ophis kan long ka jingeh wat ia ka ophis ruh ban pynthymmai.
