Shillong, Rymphang 02: ka dorbar bah jong ka Synjuk Ki Rangbah Kur Kabri-U Hynniewtrep kaba la long mynta ka sngi kala pynskhem ia ki nongkit kam jong kane ka kynhun ha kaba u bah HS Shylla u ba dei u rangbah jong jong ka jaid Shylla u la long u President ba pura jong ka seng ia kaba la pynskhem mynta ka sngi bad ia kiwei ki nongkit kam jong ka seng.
Haba kren ki lad pathai khubor ha dien ka dorbar, u la pynshai ba u la rai ban nym ia don bynta shuh bad ki seng sain pyrthei bad un nym ialeh ilskhon shuh bad kum ka kynhun ki rangbah kur kala shim ia ka rai ruh ba ki nongkit kam jong kane ka kynhun kim dei ban ia leh ilskhon.
“Nga la resign na ka sorkar ha u snem 1978 bad kane ka jingresign na ka kam ka long ban trei na ka bynta ka jaidbynriew, nga la pyrshang ban trei lyngba ki seng sain pyrthei ha kaba u la don ha byn tylli ki seng hynrei kine kin lah ban iada ia ka jaidbynriew, bad da kaba shah jied kum u president kane ka kynhun ngan lah ban trei kham bha na ka bynta ka jaidbynreiw”. La ong u bah Shylla.
La maitphang ruh ia kaei kaba kane ka kynhun kan iaid sha khmat na ka bynta ban trei na ka bynta ka jaidbynriew, namar kum ka kur kaei kaba ki ia kren ka long tang na ka bynta ka jingbha hapoh jong ka kur, ia ka jaidbynriew kin lah ban leh ei ei, hynrei kum ka kynhun ki lah ban ia kren ia ka jingeh jong ka jaidbynriew ha kiba bun ki bynta.
U la kdew ba hapoh kane ka synjuk kin don bun ki kommitti ki ban sain dur ia ka jaidbynriew namar ki don bun ki khraw pyrkhat, ha kaba ym shim ia ki ba kin ia don lang kumno ban ialeh ban pynkiew ia ka ioh ka kot jong ki paidbah, namar ka jingduk kala pynlong ia ki paidbah ban leh ia kaei kaba ym lah ban pdiang ha ka imlang sah lang.
