Shillong, Rymphang 03: U myntri rangbah ka jylla Meghalaya u Cornad K Sangma, u la iathuh ba mynta ka sngi ki nongialam seng sain pyrthei jong ka Dong shatei lam mih ngi kila ia kynduh ia u myntri kam poh iing ka sorkar pdeng u Rajnath Singh ha kaba ia dei bad ka Citizenship 9Amendment) Bill, 2016.
Ha kane ka jingiakynduh na ka liang jong u myntri kam poh iing jong ka sorkar pdeng ha kaba u la pynpaw u don ka jingsngewkhia halor ka jingsngew ki paidbah jong ka dong shatei lam mih ngi jong ka Ri India, ha ka juh ka por u la ong ba ha kum kine ki khep ki hap ban ia mir jingmut lang bad kiwei ki seng sain pyrthei ban ia kren bad kum juh ia ki seng bahlang ruh ha dien ka jingiamir jingmut ka sorkar kan sa shim ia ka rai ha kaba ia dei bad kane ka bill CAB lada hap ban rah hapoh Rajya Sabha.
Haba ia dei bad kane na ka liang jong u myntri rangbah ka jylla u la pynpaw ia ka jingsngewnguh ia u myntri kam poh iing ka sorkar pdeng halor kane ka jingpynsngew ka jong u ha kaba ia dei bad kane ka bill CAB, hynrei ka juh ka por kin peit aiu ka sorkar pdeng kan leh ha kine ki sngi
Ha kane ka sngi la ia kynduh ruh ia ki ki samla pule hapoh ka lama jong ka NESO bad kila ia kren halor ka CAB, ha kane ka jingiakynduh na ka liang jong ka NESO kala pynpaw ia ka jingsngewnguh ia ki seng sain pyrthei kiba la ia trei lang ban pynpaw ia ka jingpyrshah ia kane ka CAB.
U Myntri rangbah ka jylla u Conrad K Sangma, u la ai khublei ia seng sain pyrthei baroh kiba la pynpaw ia ka jingpyrshah halor kane ka CAB, 2016, ka jingkhublei ruh ia baroh ki riew paidbah jong ka dong shatei lam mih ngi jong ka Ri India kiba la ia mih paidbah ban pynpaw ia ka jingpyrshah ia kane ka bill.
U la myntri rangbah ka jylla u Conrad u la pynpaw ruh ia ka jingsngewnguh ia ki seng bhalang jong kane ka thain shatei lam mih ngi jong ka Ri India kiba la mih paidbah ban pynpaw ia ka jingpyrshah. Ki paidbah ka dong shatei lam mih ngi ki sngew kmen ban iohi ba ki seng sain pyrthei kiba la ia trei lang ban pyrshah ia kane ka Bill.
Ha ka juh ka por la ia kynduh ruh ia ki nongialam seng sain pyrthei na kiwei ki party ban pan ia ka jingkyrshan na ki ban kyntu ia ki ba kin pyrshah lada kane ka bill ka wan hapoh Rajya Sabha. Ha ka juh ka por na ka liang jong u myntri rangbah ka jylla u don kane ka jingkyrmen ba ka sorkar kan sa pyrkhat bad u don ka jingkyrmen ba kin nym wanrah ia kane ka CAB hapoh iing dorbar mynta.
