Jowai, Lber 08: Ka Jaintia Students’ Union (JSU) haka jingpyllait khubor mynta ka sngi kala pynpaw iaka jingsngew khia kaba jur halor ka jingkren kutlad u CEM jongka JHADC naka bynta ka lawei jongka Jaintia Hills Autonomous District Council haka jingialang pynkyntang ia u Daloi Elaka Jowai , mynhynnin ka sngi ha Lung Langdoh ha Lumiongkjam, ha kaba u la ong ba ka Council ka don haka jingma bad ka lah ban jah noh, namar ba ka pla tyngka jongka kala tyrkhong haduh katta katta.
ka JSU ka pynpaw ba hooid , ka lah ban long kaba shisha ba ka JHADC ka kynduh shibun ki jingeh ha ka liang ka pla tyngka, hynrei ban ioh sngew pat ia kum kine ki kyntien kut lad na U CEM kum u khlieh duh jongka Council ha khmat jong ki Paidbah ba bun ba lang ka long ka bym lah ban mutdur bad bad kaba sngewkhia shiaha la pynduh mynsiem shisha iaka Ri bad ka Jait bynriew baroh kawei kaba la shaniah haka Council ban peit bad ban ri ban sumar iaka Riti ka Dustur, ka kyndew ka shyiap bad ka jinglong ba kyrpang jongka Jaitbynriew hi baroh kawei kumba la pynkup bor hapoh ka 6th Scheduled jongka Constitution jongka Ri India.
kumta kane ka jingkren jong u CEM ka JHADC u ma T. Shiwat ka long, ym tang ba ka pynkyndit ia baroh ki paidbah hynrei ka la dei ruh ka ka jingkyrsiewthiah ia baroh ki MDC kiba mynta bad kiba dangwan hadien kiba shah jied ha u paidbah ban pyrkhat sani bad ban tip iaka kamram kum ki nongialam, lym kumta ka JHADC kan long beit thik kum ban kren u CEM. pyngkut ka kyrwoh na u Cultural secretary ka JSU.
