Shillong, Risaw 30: U Bah Auguster Jyrwa secretary jong ka kynhun Meghalaya People Committee halor u Aadhaar u la iathuh ba baroh kiba la wan ban ai da ka jingthoh ba ki kwah ban weng noh ia u Aadhaar mynta ka sngi ha ophis jong ka seng KSU kumba la pynbna kila kot sha ka 220 ngut.
Haba kren ha u SP News Agency u Bah Jyrwa u la iathuh ba namar ba la bun palat kiba kyrpad ban pynjlan shuh ia ka por na ka liang jong ka MPCA kala shim ia ka rai ba kin pynjlan tang haduh ka 3rd.11.2017 kata hapoh Shillong.
Hynrei na ka bynta ka South West Khasi Hills bad ka West KHasi Hills kan long haduh ka 2nd.11.2017, na ka bynta kito kiba ha South West Khasi Hills ki lah ban leit ai ia kip home jong ki ha ophis jong ka KSU Mawkyrwat bad na ka bynta ka West Khasi Hills ki dang ia pynbeit ia ka jaka ha Nongstoin,
La iathuh ruh ba mynta ka sngi ka kynhun na Garo Hills kila wan sha Shillong ban ia kynduh ia ki nongialam jong ka kynhun MPCA bad ka jingwan jong ki ka long ban ia kren halor kane ka juh ka phang halor u Aadhaar. Ka kynhun na Garo Hills ruh ki kwah ba ioh jingshai halor u Aadhaar.
Kane ka kynhun kaba hynniew ngut na Garo Hills mynta kin sa leit ban pynlong ia ka jingialang hapoh Garo Hills bad lada don kam ba dang hap ban pynshai na ka liang jong ka MPCA ka kloi ban leit la ong u Bah Jyrwa.
