Shillong, Naitung 10: U myntri rangbah ka jylla u Conrad K Sangma mynta ka sngi u la leit sha 35-Ranikor Konstitwensi , ha Nolikata ban ialap elekshon na ka bynta u kyrtong ka National People’s Party (NPP) u Martin M Danggo, ha kane ka sngi da ki hajar ki paidbah kila ia poi sha kane ka jingialap elekshon ban sngap.
Ha ka jingkren jong u myntri rangbah ka jylla ha kane ka jingialang paidbah kaba la long ha Nolikta mynta ka sngi u la ong ba u kyrtong ka seng, u Martin M Danggo u la len lade ban hiar shuki kum u MLA na ka bynta ka jingmyntoi jong ki paidbah, yn na ka bynta ka jingmyntoi jong u shimet.
Na ka liang jong u myntri rangbah u la kyntu ia ki paidbah ba kin ai ka jingkyrshan ia u kyrtong ka seng NPP ban pynjop ha kane ka elekshon MLA shiteng samoi kum ba kila ai ka jingkyrshan ha ki elekshon kiba la dep.
Ha kane ka sngi kiwei ki nongialam jong ka seng NPP kiba la poi sha kane ka jingialap elekshon na ka bynta u kyrtong ka seng u Martin M Danggo ki long u Bah Sniawbhalang Dhar u ba dei u myntri ha ka sorkar jylla, u State President jong ka seng u Dr WR Kharlukhi bad kiwei kiwei ki nongialam jong ka party.
