Shillong, Kyllalyngkot 05: U National President jong ka party National People’s Party (NPP) u Conrad K Sangma, ha ka jingiadon lang u Dr WR Kharlukhi state president kila pdiang ia u bah Pynshngianlang Syiem bad ia u bah Alvin K Sawkmie sha ka party ha ka jingialang paidbah kaba la long mynta ka sngi ha Mawsynram.
U bah Pynsngianglang Syiem dang ha u snem 2018 shuwa ka ilekshon sha ka iing dorbar u la seng ia ka party People Democratic Front ha kaba u la bat kum u Chairman jong ka seng, hynrei kyndit u la mih noh na kane ka seng bad mynta ka sngi pyniasoh ia lade sha ka seng NPP.
U bah Alvin K Sawkmie u ban ia khun ia ka MDC ilekshon MDC kaban long ha ka 27 tarik jong u bnai ban wan na ka Mawsynram Konstitwensi ruh u la rung lang sha ka party NPP mynta ka sngi bad da kane ka jingrung jong u sha kane ka party kala pynthikna ba un ia khun na ka party NPP.
Nalor jong u Conrad K Sangma kiwei ki nongialam jong ka party NPP kiba la don ha kane ka sngi, ki long u Dr WR Kharlukhi state president u Dr DD Lapang, bad kiwei kiwei de ki nongkit kam jong ka party ban ia sakhi lang ia kane ka sngi ba u nongseng ia ka PDF u la pyniasoh sha ka party NPP.
