Tura, Naiwieng 05: U Myntri Rangbah ka jylla u Dr Mukul Sangma u la plie paidbah ia ka skhim Ri Syiar ha ka jylla da kaba sam paidbah ia ki syiar Kuroiler bad u jingbam syier ba phra kilo ha ka jingialang paidbah kaba la long ha Bakdil Krimkro Federation Centre, ha Upper Bamonpara, Dalu. Ia kane ka skhim la tip kum ka “Nutritional Security Program”.
Kane ka skhim NSP ka dei ka skhim kaba la pynwan dur bad saindur da u myntri rangbah kajylla u Dr Mukul Sangma, ka jingwan rah ia kane ka skhim ka long na ka daw ba bun ki long kmie bad ki khun samla ha ki nongkyndong kiba bun ki don ia ka jingduna betamin namar ka jingbym biang ka bam. Da kane ka skhim Ri Syiar kan iarap ia ki briew ba kin ioh ia ki pylleng Syiar ban bam ban tei ia ka met jong u ne ka briew bad ia kane ka skhim NSP la pynlong ia ka lyngba ka Live stock mission ia kaba la pyntrei kam da ka sorkar.
Haba kren ha kane ka jingialang paidbah na ka liang jong u myntri rangbah u la ai ka jingiaroh ia ka kynhun ia trei lang ia kaba la tip kum ka Bakdil Krimkro SHG Federation, Dalu hapoh jong ka West Garo Hills ha kaba kala long ka nongkdew lynti ia kiba bun kiwei pat ha ka kam Ri Syiar bad da ka jingtrei shitom jong kane ka kynhun na ka liang jong ka Meghalaya Rural Bank kala airam sha kane ka seng haduh 100 lakh tyngka.
Na ka liang jong u myntri rangbah ka jylla u la ong ba ka sorkar kala trei bor bah ban pynpoi ia kane ka skhim sha ki 40,000 tylli ki long iing ha ka jylla bad na kane ka skhim ka sorkar jylla kan sa iohnong lyngba ka kam ri sniang. U Myntri rangbah u la ong ka long kaei kaei kaba eh ban poi sha ka jingthmu ba angnud hynrei yn ia leh ban poi sha ka thong.
Ha kane ka sngi u Phadar Sunny ha ka jingkren ka jong u la ong ban a ka T.150 lakh ka ram kaba ki la shim na ka MRB, ha kine ki khyndait por kila lah ban siew haduh T.60,000 tyngka bad u don ka jingkyrmen ba ka Bakdil Krimkro SHG Federation kans a long kawei na ki nongmuna ia kiwei pat ki seng treilang ha kip or kiban dang wan.
