Plie u shongknor Dr Donkupar ia ka dur mot u bah Hoipingstone ha jingrakhe ia ka jubilee ksiar

Shillong, Nohprah 15: Ka seng Hills State People Democratic Party (HSPDP) mynta ka sngi kala rakhe ia ka jubilee ksiar bad ha kane ka sngi u shongknor jong ka iing dorbar u Dr Donkupar Roy u la plie ia ka dur mot jong u Bah Hopingstone Lyngdoh president ba nyngkong jong ka party bam kwai ha dwar u blei.

Ha kane ka sngi la don lang ruh u Dr DD Lapang nong ai buid jong u myntri rangbah ka jylla, ki nongialam barim jong ka seng HSPDP, ki nongialam jong ka seng bad ki “Volunteer” kiba la ia shim bynta ha ka jingiakhih ban ioh ia la ka jong ka jylla kaba pura ha kato ka por.

Ha kane ka sngi, u president jong ka seng u Bah K P Pangniang, u la pynkup burom ia ki “Volunteer” da kaba ai ka ki memento kum ka jingburom ia ka jinglen jong ki ban aiti ia lade haduh ban da shah set phatok na ka bynta ka jingialeh laitluid.

Ha kane ka sngi u Dr B R Kharluki, ha ka jingkren jong u u la ong ba ka jingsdang ia ka seng HSPDP ka dei na ka dukan sha kaba don ha Jaiaw pdeng ha dien ba ka seng APHLC  kala beh noh ia u Bah Hoping namar um pdiang ia ka Sub State. Dei ha kane ba 13 ngut ki reiw rangbah na malwai kila mih lang ban ia but ia ka rukom pyrkhat jong u bah Hopingstone.

Ha kane ka sngi ka khun pyrsa jong u Bah Hopingstone Lyngdoh ka kong Badariti Lyngdoh kala kren halor ka rukom pyrkhat jong u nongseng ia kane ka party bad hateng hateng la sngewsynei ia u namar u la sah wat tang marwei ruh  hynrei u la ieng hala ka jong ka nongrim bad kane kala pynlong ia ka seng HSPDP ba ka dang ieng   haduh katne ki sngi.

Ha kane ka sngi, ki nongkyrshan jong ka seng HSPDP kila wan na kylleng jong ka Ri Khasi ban ia don bynta lang ha kane ka jingrakhe ia ka jubilee ksiar jong ka party. Ha kane ka sngi ki nongialam barim jong ka seng HSPDP ruh kila ia don lang ban ia skhi lang ia kane ka sngi sah kynmaw.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet