Shillong, Nailur 29: Ka Spes Unica, Meghalaya Region kaba dei kawei na ki kynhun Trei mon sngewbha jong ka Balang Catholic ia kaba la pynkha da ka Holy Cross kala pynlong ia ka Lympung ai jinghikai kaba kyrpang na ka bynta ki jong ki khynnah kiba dang khie dang san ha kaba lai ai kyrteng ia katei ka Programme da ka ‘Free Leadership Training and Faith Formation for the Students’ kaba Saw Sngi lynter naduh ka 27 tarik bad kan kut ha ka 30 tarik la shai aks ngi, ia kane ka jinghikai la pynlong ha Mawkynrew Holy Cross higher Secondary School ha kaba ka phang pdeng ka long “You are the Light of the World”.
Ha katei ka Training Programme lawan ban iashim bynta da 250 ki khynnah Skul na ki 7 tylli ki skul kiba na ka liang jong ka Holy Cross, Spes Unica, Meghalaya Region ka la jied kyrpang na ki bynta bapher bapher jong ka jylla hi baroh kawei kum shibynta ban ai jinghikai pyntbit iaki kumno ban long ki Nongialam kiba kynsai ha ki bynta bapher bapher, kum shibynta ban prat lynti iaki ban saindur iala ka jong ka jingim bad khamtam eh ba kin nang lah ban roi ha ka jingim ba kynja mynsiem.
La plie pyrda ia katei ka lympung ai jinghikai ha ka 27th September 2017 ha ka jingialang kaba iphuh iphieng ha kaba la wan ban sakhi naduh ki kmie ki kpa jong ki kjynnah skul, ki kynrem ki lyndan bad kiwei de ki nong shah khot sngewbha ha Ryngkat ka jingiadonlang jong u Bah Banteidor Lyngdoh (Bah Pai) MDC Mawkynrew Constituency kum u kongsan.
La sdang ia katei ka Lympung ai jinghikai da ka jingthang ia ka Sharak ha kaba la pynbud ia ka jingshad ha ka sur jong ka jingduwai da ki khynnah skul jong ka Mawkynrew Holy Cross higher Secondary School, La ioh ia ka jingkren pdiang na u Fr.Fr.Antony M Joseph, CSC Principal kiwei pat kiba la ai jingkren ki kynthup ia u Fr. Simon & Fr. Joe Paul bad la ioh ruh ia ka jingshad na ka kynhun Summer Brothers.
Haba kren kum u Kongsan ha katei ka sngi na ka liang jong u Bah Banteidor Lyngdoh MDC Mawkynrew Constituency u la ai ka jingiaroh bad ka jing sngewnguh shikatdei eh ia ka Spes Unica, Meghalaya Region kaba la shimkhia ia kane ka sienjam kaba kongsan tam ban saindur ia ka jinglong Nongialam jong ki Khynnah Skul naduh ka por ba ki dang khie dang san khnang ba kin ym kynriah noh na ka ynda ki la jam sha ka jinglong Samla bad jinglong Rangbah.
Shuh shuh na ka liang jong u Kongsan u la ban jur bad kyntu ia baroh ki Nong ia shim bynta ba ki dei ban pynleit jingmut bad ba kin shimkhia naduh ka mynsiem ban pynurlong ia ka Phang pdeng jong katei ka Training kaba kit jingmut shikatdei eh “Phi long ka jingshai jong ka pyrthei” khnang ba kin lah ban long shisha ki Nongialam kiba kynsai bad kiba janai ban saindur ym tang iala ka jong ka lawei hynrei na ka bynta ka Balang bad ka imlang ka sahlang hi baroh kawei.
