Shillong, Nailur 24: U MLA Saleng A Sangma u la plie ia ka ophis trei kam jong ka party NCP ha Nongstoin West KHasi Hills District ha ka jingiadon lang ki nongkit kam jong ka party. Hakane ka sngi la thung ruh ia u Andrew C Gare kum u presidentjong ka West KHasi Hills District.
Ha ka jingkren jong u MLA u Saleng A Sangma u la ban jur ba ka party ka don ia ka thong ban trei na ka bynta ban kyntiew ia ka jylla ha kiba bun ki liang. Kumba ka long mynta ka jylla ka dang sah dien ha bun ki bynta kaba ki paidbah ki dang angnud ba ka sorkar ka dei ban leh na ka bynta jong ki, na ka liang jong ka NCP ka ong ba lada ka wan ha ka bor ka party kan leh ia kaei kaba ki paidbah ki kwah ha ka liang ka roi ka par.
Bah Andrew u dei u nongialam jong ka seng UDP hynrei u la pyniasoh noh bad ka seng NCP lem bad ki spah ngut ki nongbud jong u ha katei ka sngi. Ha kane ka sngi plie ia ka ophis jong ka NCP kiba la ia don lang ki long u Vijay Raj, Vice-President, NCP Meghalaya State, u S.P. Thapa, General Secretary, NCP Meghalaya State, u Torang R. Marak, President Nationalist Youth Congress (NYC), u Shyam Thapa, Vice-President NYC, u Dak Kupar Nongrum, General Secretary, NYC bad u samla T.L Lapang, dkhot jong ka NCP.
Ha kane ka sngi na ka liang jongu Kaldinus Riangshiang, Mawshynrut Block Youth President u la ai ia ka kaiphot ha kaba ia dei bad ka jingtrei kam jong ka party ha ka jingiadon lang jong u Selecus Swangre, ka Mawshyrut Block President, u Jona A. Sangma District General Secretary.
