Shillong, Jymmang 10: Mynta ka sngi kala don kajingpluh jong kawei ka iing ha Lummawnei hapoh jong ka shnong Mawlai Umthlong ha kaba ar tylli ki long iing kila mat ia kane ka jingnia kaba sngewsih na ka daw jong ka jingthut ka bor ding eletrik. Kane ka iing kaba la pluh ka dei jong ka kong Badapbiang Mylliem Umlong.
La iathuh ba ka jingkular jong kine ki ar tylli ki long iing kala long kaba la bun bha ha ka ba ki tiar kiba don ha iing kila iengkhong ha kane ka jingpluh kaba la jia mynta ka sngi. U Bah T Myrthong katba u dang pyrshang ban tem ia ka jingklang jong ka dieng u la mynsaw ha kane ka jingpluh ding na ka daw jong ka jingbat ka ding eleltrik bad la pynkit ia u sha hospital ban ioh jingsumar.
Ha kane ka jingpluh ding kala jia ruh ha ka por bay m don briew namar kiba shong shah ha kane ka iing ki dang leit la ki kam ki jam bad da ka jingwan kloi jong ki kali pynlip ding ruh kala iada na ka jingjulor kaba kham buh, hynrei la ong ba ki jingbuh jingsad kiba hapoh iing kila julor lut.Ha kane ka iing kaba la pluh mynta ka sngi kiba sah wai ki long lai kynrad, ka Kong Lani Kurbah, Bah Thwet Nongbri bad kawei kaba khlem pat da shah ktah palat.
U Bah Process T Sawkmie u ba dei u MLA bad u MDC jong ka Mawlai mar ia tip ia kane ka jingjia u la leit ban jngoh da la dei ia kine ki briew kiba la shah ktah ha kane ka jingpluh ding bad u la kular ha kane ka sngi bay n sa ai ka jingiarap ha ka jingiadon lang u rangbah shnong u Bah H Mylliem Umlong.
