Shillong, Naiwieng 10: Ka Shillong Wine Festival kaba la pynlong mynta ka sngi ka dei ka sien kaba hynriew ia kaba la pynlong da u wei na ki riew trei mon sngewbha ha kane ka jylla u Bah Miakhel Syiem. Mynta u snem baroh kiba la ia poi ban pyninam ia ki jait wine kaba kila shna na u soh ki don 12 kynhun.
Ki jait wine kiba la wanrah ha kane ka Shillong Wine Festival mynta ka sngi ki long kiba la shna, na u Sohiong, Syieng, Sohtrun, Sohsham. Ia kane ka tamasa la pynlong ha State Central Library Shillong ha kaba bun ki paidbah kila leit mad ia ki jait wine kiba la wan pyninam ha kane ka sngi.
U bah Maikhel Syiem, haba kren ha u SP News Agency, u ba khot ia kane tamasa u la ong ba mynta u snem ki kynhun kiba la wan ban ia shim bynta ki don 12 ngut, bad kawei na kine ki kynhun ka dei kaba na ka jylla Assam bad kine ki wine baroh ki dei kiba la shna hi ha iing ym da ki kor ki bor.
Ka jingthmu jong kane ka tamasa ka long ban pynsngew sha ka sorkar ba ka dei ban wad ki lad ki lynti kumno ban ithuh noh da ki bor sorkar ia kane ka rukom pynmih ia ka wine da kaba shna hi. La iathuh ba kum ka kynhun kila pan jingbit ban ia kynduh ia u myntri rangbah halor kane ka phang.
