Pyni u CEM ia ki kot sha ki dkhot ka HYC ba dei tang ka jingbakla pyndap ha ka phom tangjaid

Shillong, Rymphang 22: Mynta ka sngi ka seng HYC kala ia kynduh ia u CEM jong ka KHADC u bah Titosstar Well Chyne ha kaba ia dei bad ka jingjyrwit jyrwat ha kaba ia dei bad ka jingtang jaid kumba ki la ioh na ki kot lyngba ka RTI.

U President ka seng u bah Robert june Kharjahrin, la iathuh ba ha kane ka jingiakynduh na ka liang jong u CEM u la pyni ia ki kot ki sla ba kam shym don kata ka jingtang jaid ia kibym dei kpa khasi, ka jingbakla ka long ba khlem pyndap ha ka phom katkum ka Apendix (A).

Ha kane ka jingiakynduh na ka liang jong ka seng HYC kala pynsngew ha u CEM ba ka ophis ka dei ban da peit bha nangne sha khmat ba kan nym don shuh kane ka jingkhein sting namar ka ialam sha kaba bakla, na ka liang jong ka seng kam shym don kano kano ka jingthmu ban pyrshah iano iano hynrei ka ieng ha ka nongrim ban iada ia ka jaidbynriew.

Ha ka juh ka por na ka liang jong u CEM ka KHADC u la pynpaw ia ka jingsngewnguh ia ka seng HYC ba kala pan ia ka RTI, ha kaba la lah ban lap ia kine ki jingduna ia kiba kumu khlieh jong ka ophis u hap ban pynthikna ba nangne sha khmat kan nym don shuh kum kine ki jingbakla.

What Next?

Recent Articles

Leave a Reply

Submit Comment

*