Shillong, Nailur 28: ka tnad pule Social Work, jong ka Martin Luther Christian University kala pynlong ia ka jingai jinghikai ha kaba ia dei bad ka hok jong ki nongthied nongpet ha shnong Mawrynkneng, Umtong kiba hap hapoh jong ka East Khasi Hills bad ha Mairang ha West Khasi Hills.
Ia kane ka jingai jinghikai la sdang ha ka 26 tarik mynta u bnai ha Mawrynkneng bad la pynkut ha Mairang today mynta ka sngi. Ia kane ka jingai jinghikai la bei pisa da ka ophis jong u Deputy Commissioner (Supply), East Khasi Hills bad ka ophis jong ka Sub-Divisional Officer (Supply), Mairang Subdivision.
Kum ka jingpynshai paidbah ia kane ka hok ki nongthied nongpet na ka liang jong ka MLCU kala pynlong ia ki jingialehkai bad ia ki jingiamareh thong ha kaba la wan ban ia shim bynta da ki paidbah bad ki khynnah skul na kitei ki shnong.Ha ka jingiadon lang ki heh sorkar na ki District ba dei peit ia ka tnad sam bam sam dih.
Ha kine ki sngi la pynshai paidbah ruh ia ka National Food Security Act 2013, kaba dei ka ain jong ka ri India kaba la pass da ka Parliament kaban ai jingmyntoi ia ki 1.2 billion ngut ki paidbah nongshong shnong jong ka Ri.Ha kine ki jaka ba pynlong ia ka jinghikai la don ka jingbatai da ki heh sorkar ha kaba ia dei bad ka hok jong ki nongthied nongpet.
