Shillong, Jylliew 02: Ban iarap ia ki bor sorkar ban pynjai jia ia ka jingiaklumar ha kane ka nongbah Shillog, mynta ka sngi ki shipai kila pynlong ia ka jingiaid “Flag March” ha ki bynta jong ki jaka ba don ka jingiaklumar ia kane la leh halor ka jingkyrpad na ki bor jong ka District Adminstration.
Ki shipai kila pynlong ia kaene ka jingiaid “flag march” ha ka por 2245 ha ki bynta ba don ki jingiaklumar jong ka nongbah Shillong, ia kane la leh hapoh ka jigialam bad ka jingpeit jong u Lt Gen DS Ahuja , AVSM, GOC 101 Area.
Ki shipai kiba la ia don ha kane ka jingiaid “Flag March” ki long 100 ryngkat ki tiar ialeh bad phra tylli ki kali la pyiaid la leh ia kane na ka bynta ban iarap ban pynduna ia kane ka jingiakynad. Mynta ki shipai kim don shuh kata ka jingpyrkhat ban iaid biang ia ka “Flag March”.
Shuwa ba ki shipai kin pynlong ia kane ka jingiaid “Flag March” palat spah ngut ki riew paidbah kila mih na ki jaka ba don jingklumar ban wan rih sha jaka jong ka Kantonment da kaba iaid na ka lynti kaba la plie myta da ka jingthmu ban wan rih.
Ia kine ki briew la ialam sha ka Rhino training Center ha Garrison Ground, ha kaba na ka liang jong ki shipai kila ai bam ia ki bad jain kup da ki shipai ba kin sah miet. U .Lt Gen Ahuja u la ia kren bad ki ban peit ia ki jingdon kam jong ki namar kila mih dang step na Kantonment.
