Shillong, Naitung 09: U President jong ka seng samla jong ka KHNAM u Bah Thomas Passah mynta ka sngi u la thoh sha u Chief Electoral Ophisar jong ka sorkar Meghalaya ban kyntu ba dei ban pynsangeh shuwa ia ka jingpynrung kyrteng ha ka Electoral Roll ia kiba sah ha Them Motor.
Ha ka shithi kaba la phah mynta ka sngi la ong ba ka KHNAM kala ioh jingtip ba ki Booth Level Officer (BLO) kin leit sha Them Motor ha ka 13 tarik mynta u bnai na ka bynta ban pynrung kyrteng ia kiba la kot sha ka 18 snem ha ka Electoral Roll.
Na ka liang jong ka KHNAM ka pynpaw ia ka jingsngew pyrshah halor kane bad kila kyntu ia u CEO jong ka jylla ba pynsangeh shuwa namar haka shithi kaba la thoh la thoh sha u rangbah shnong jong ka Harijan Collony namar kane ka jaka mynta ka dang don ha ka jingbym bit bym biang namar ban ong rangbah shnong hap ban ioh ia ka sanat na u Syiem ka Hima Mylliem.
Ka KHNAM ka la ia kynduh ia u Chairman jong ka HLC ban pynsngew halor jong kane ka phang bad ka KHNAM ka sngew ba na ka liang jong ka ophis kan sngap ia kane ka jingkyrpad na ka bynta ka jingiabit ia biang lang baroh.
