Pynshlur u Vice President ka Ri India ban pyndon kam ia ki kali ba pyndon kam da ka ding Eletrik

New Delhi, Rymphang 09: U Vice President jong ka Ri India u la ong ba ka jingeh kaba khraw tam ha khmat jong baroh mynta ka dei ka mariang bad ka jingjaboh kaba mih na ki kali ka long ka jingsngewkhia ia baroh, ia kane u la ong ha kaba plie ia ka jingalang jong ka “10th Auto Sumbit” ia kaba la pynlong da ka Federation of Automobile Dealers Association, ha nongbah Delhi Mynta ka sngi.

Ha ka jingkren jong u Vice President u la ong ba ka por ka la dei ban pynshlu ia ki kali ba pyndon kam da ka bor jong ka ding eleltrik bad ka por ka la dei ban don ka jingkylla ha kaba shna ia ki kali ban wanrah ia ka jingkylla ka long kaba dei ba ki nongshna, ki nongdei bad ki nongshimti ban die ki dei ban wad kilad ki lynti ban pynduna ia ka jingmih ka jaboh na ki kali ba pynjaboh ia ka lyer.

U Vice President u la ong ba ka Ri India ka long kaba la kloi ban pynduh ia ka lyer “carbon dioxide emissions” bad mynta ka don ka jingpynleit jingmut ban pynshlu ia ki kali kiba pyndon kam da ka bor ding eleltrik bad kane kan ia rap ha kiba bun ki liang u la ong u Vice President.

Na ka liang jong u Vice President u la ong ba ka long kaba don kam ban don ia ki jaka ban pyndap ia ka bor ding eleltrik ha kaba pynshlur ia ki kali ban pyniaid da ka bor ding eleltrik bad ha ka juh ka por ban pynshlur ban shna ia ki EV batary. U la kyntu ia ka FADA ba kan long kaba la kloi ban pdiang ia kine ki jingkylla ban wanrah ia ka jingkylla ha ka mariang.

What Next?

Recent Articles

Leave a Reply

Submit Comment
*