Pynskhem ka NBCC ba u Bah John Kharshiing un long u kyrtong ka seng Congress

Shillong, Risaw 09: Mynta ka sngiBah John Kharshiing ha ka jingialang paidbah kaba la long ha Kseh Bilat, Laitkor Mawrie Lumheh, ha khmat ki palat spah ngut ki dkhot bad nongkyrshan congress na Nongkrem constituency u Bah SG Khongiong, General Secretary, East Khasi Hills District Congress Committee (EKHDCC), u la pynbna plie paidbah ia ka office jong ka Nongkrem Block Congress Committee, (NBCC), ha iing phyllaw ka kong Duh Shisha Mawrie, bad ha ka juh ka por u la pdiang bad pynskhem ia ka rai jong ka NBCC  kaba la tyrwa ia ka kyrteng u Bah John F Kharshiing, kum u kyrtong kandidate na ka congress na ka 22-Nongkrem Assembly Constituency.

Ia katei ka jingialang la pyniaid da u Bah Lamborsing Nongrum, ka NBCC, uba la kyntu ia baroh ban ia trei shitom ban pynjop ia u Bah John Kharshiing, ha ka election MLA 2018 ban wanrah ia ka nam ka burom sa shisien ia ka Nongkrem constituency.U Bah SG Khongiong, Gen Secy, EKHDCC, ha ka jingkren u la ong ba ka long kaba tikna ba ka Congress kan wan biang sha ka bor, namar ki paidbah ki long kiba stad ki shaniah ia ka seng Congress, ki iohi ki ioh mad kumno ki sorkar khleh khawlang ki wanrah kiba bun ki jingeh na ka bynta ki paidbah ha ka imlang sahlang.

U la ong ba ka Nongkrem sa shisien ka la thaw history namar dei ka sien nyngkong ba don tang uwei u nong pan ticket na kane ka Constituency katba ha ki por kiba la dep la bun ngut kiba pan ia ka ticket, ka jingwan shakhmat jong u Bah John F Kharshiing ka la ai mynsiem ia kiba bun ban ia pyrkhat thymmai ban ioh ia u kyrtong uba da la hi uba la biang bad u la kyntu ia ki nongkyrshang kiba la poi na kylleng ba mynta ka kynti ha ka MLA 2018, ba kin ai lad bad mad ia u kyrtong jong ka seng Congress na ka Nongkrem Constituency. U la ong ba ki dak ki shin mynta ha kine ki sngi ki paw ba la tikna ruh ba ka Congress kan wan biang ha ka bor ha Delhi ha u snem 2019.

U Bah John F Kharshiing, u ba la long marwei u nong pan ticket ha ka jingkren u la ong ba lada ki paidbah ki ailad ia u ban mih kum u MLA sha ka Assembly,  katto katne ki kam kiba u thmu ban rah hapoh iing Dorbar Assembly ki long kumno ban wanrah ka jingiakren hapoh iing Dorbar Assembly ba kin rah ban ia kren bad ki lai tylli ki bor Sorkar kita ki long ka  District Council ka Sorkar Jylla bad khamtam ka Sorkar India, ban pynlong ain noh ia ki Seng Samla, Seng Longkmie, Dorbar Kur, Dorbar Shnong, Raid bad Dorbar Hima, ba kin paw dur noh hapoh ka Constitution Ri India katkum ka IOA bad AA jong ki Hima Khasi States.

Khnang ba ki Dorbar Shnong kin ioh ban thaw bad ia shimbynta ha kaba thaw ain, kiwei pat ki long ban khmih ban iarap ia ki ba Duk kiba jynjar, ban kyntiew ka rep ka riang, ban ia kren bad ki nongmihkhmat Mawkynrew, Mawryngkneng, bad Nongkrem ban ioh ia ka jaka pdeng ban buh ia ki College, ki Hospital, ki jaka sumar ai dawai ha ki kam ri jingri, bad kiwei kiwei na ka bynta kane ka thain Mylliem – Khyrim Lum baroh kawei.  U la pynbna ba ka office treikam ha Kseh Bilat kan plie man ka sngi naduh ka por 8.30 baje mynstep bad la kyrpad ia ki paidbah ba kin phone ha u numbor 9436102663 lada jia ba don ki sngi ba don jingialang. U la ong ba la pynbeit ruh ban buh sa kawei ka office treikam ha Smit kum shibynta ban pynsuk ia ki paidbah ha kaban ia kynduh ia u Bah John F kharshiing, nalor ka office kaba la don lupa ha Lumjingsuk, Demthring, Shillong.

 

What Next?

Recent Articles

Leave a Reply

Submit Comment
*