Shillong, Iaiong 14: U Secretary ka koit ka khiah jong ka sorkar Meghalaya u Sampath Kumar u la pyntip sha ka secretary ka tnad ka koit ka khiah jong ka sorkar pdeng ka Treeti Sudan Secretary Health bad Family welfare jong ka sorkar pdeng ba ha Meghalaya la lap ba don u wei u nongpang COVID-19 ba la pynthikna da kaba test ha NEIGRIHMS.
Ha kane ka shithi kaba la pyntip, na ka liang jong u Secretary ka tnad ka koit ka khiah jong ka sorkar Meghalaya u la thoh ba u wei na ki nongtrei bala rim jong ka Bethany Hospital Shillong la test ba u don ia ka jingpang COVID-19. Ia kane ka jingtest la leh hapoh NEIGRIHMS bad la pynshisha da ka NIV Pune.
Ka sorkar kala shim ia baroh ki lat ki lynti ban iada na ka jingsaphirang une u khniang jing pang da kaba wad ia ki briew kiba la iarung ia mih sha katei ka jaka sumar bad khang ia ki briew ban ia iaid ia ieng kiba don sawdong jong katei ka jaka sumar katkum ki kyndon kiba la bthah da ka tnad ka koit ka khiah jong ka sorkar pdeng.
Namar ba u ba shitom u dei na ka kam ba u trei ha ka liang ka koit ka khiah ka sorkar jylla kala wat mynta ia baroh kiba u nongpang u la ia kynduh ban iada na ka jingsaphriang shuh shuh une u khniang jingpang.
Ha kane ka shithi kaba la phah sha ka secretary ka tnad ka koit ka khiah jong ka sorkar pdeng la batai lyngkot ruh ia ka leit ka wan jong u ba shitom, u ba shitom u dei u pyrshah kurim jong u ba shitom dei u Pilot jong ka Air India, u la wan na New York sha Delhi ha ka 16th Lber 2020.
Ha ka 17th Lber 2020 u la mih na Delhi sha Imphal, ha ka 20th Lber u mih na Imphal sha Delhi bad ha ka 24th Lber u mih na Delhi u wan sha Shillong. Haba la wan sha Shillong u la register bad ka sorkar ba u la don hapoh ka Home Quarantine naduh ka 24th Lber haduh ka 07th Iaiong 2020. Ka tnad peitbniah jong ka sorkar kala leit ban ia kynduh ia u ha ka por ba u don hapoh ka Home Quarantine.
