Shillong, Nohprah 04: Ka kur Rynjah kala rah ia ka nam lah duh ha ka jingiakop kynjatbal jong ka ka 2nd Inter Hima Seng Samla Kur Football 2016 kaba la long ha Smit kaba la iaid mynta la bun bun sngi. Katba ka kur Kharumnuid kala wan ba ar ha kane kajingilehkai.
Ka jingialehkai hapdeng kine ki ar tylli ki kur ka long kaba I tynnad bad mar ia khlian namar ba kim shym la ia don mano mano ban thep ha ka jingialehkai kaba kylla step bad kylla miet namar bay m shym don ba lah ban thep la pynlong noh da ka jingiashoot phainalti.
Ha kane ka jingiashut phainalti ka Kur Rynjah kala ioh ban thep phra kol bad ka kur Kharumnuid kala ioh ba thep 7 kol, da kane ka kur Rynjah kala long ha lah duh ha kane ka jingiakop na pdeng ki 34 tylli ki kur jong ka Ri Khasi kiba la wan ban ia shim bynta ha kane ka jingialehkai.
Kiba la don lang ha kane ka sngi ki long u pa’im jong ka Hima Khyriem kum u kongsan Dr Balajied Sing Syiem, Syiem Hima Khyrim, u Symbud Kongsan Paiem Phrester Manik Syiemlieh, Syiem Hima Nongkhlaw, Bah Harlinjai Skhemlon, Sirdar Hima Mawdon, bad Secretary, The Grand Council of Chiefs of Meghalaya, Ka Dorbar Ki Khlieh Nongsynshar Ka Ri Hynniewtrep bad Federation of Khasi States bad bun bah ki rangbah shnong kiba la wan ban ia skhi lang iakane ka sngi.
Bah John F Kharshiing, Chairman, The Grand Council of Chiefs of Meghalaya, Ka Dorbar Ki Khlieh Nongsynshar Ka Ri Hynniewtrep bad Spokesperson, Federation of Khasi States, bad la ioh jingkren ai mynsiem ha ryngkat ka jingiadonlang na i Kongsan Paiem Dr Balajied Sing Syiem, Syiem Hima Khyrim.
