Rah ka Sweat Out Glory ia ka nam lah duh ha ka Futsal Tournament ha Shillong

SFusalhillong, Risaw 01: Ha ka phainal jong ka 1st Open Futsal Tournament kaba la long mynta ka sngi Saitjian ha Shillong ka kynhun Sweat Out Glory kala rah ia ka nam lah duh ha kane ka jingialehkai da kaba pynrem ia ka Gunners FC 6-3 ha  Indoor Stadium ha Jawaharlal Nehru Sports Complex.

Kane ka jingialehkai kaba la neh lai sngi lynter kala wanrah iaki 32 tylli ki kynhun na kylleng ka jylla ban ia khun ha kane ka jingialehkai. Ia kane ka jingiakop la pynlong da Futsal Association of Meghalaya (FAM) da ka jingkyrshan jong ka seng kmie ka  Futsal Association jong ka Ri  India lem bad ka District Sports Promotion Society, East Khasi Hills.

Ha kane ka jingialehkai u Bah E Kharmalki Director Urban Affair bad u Secretary jong ka MUDA u la long u kongsan bad u Bah GM Roy Lakiang, CEO jong ka  Banalari World Cars, u la long u symbut kongsan.

Ha kane ka sngi kut jong ka jingialehkai u samla u goalkeeper Kerimehi Kharmujai u la shah jied kum u nongia lehkai ba kynsaitam, ia kaba la ai sha u ia ka khusnam da Aniket Kesarkar, u COO jong ka  Futsal Association jong ka Ri  India. Ia ka khusnam sha ki nongjop bad kiba wan baa r la sam da u kongsan.

Haba sdang jong ka jingialehkai phainal u, Dr Brightstar Langbang, President jong ka  FAM, u la pdiangburom ia baroh kiba la ia don bynta ha kane ka jingialehkai bad ha ka jingkren ka jong u la ong ba na ka liang jong ka FAM kan dang iai kyrshan ban iohi ba kane ka jingialehkai ha kane ka jylla kan dang kiew sha phrang.

What Next?

Recent Articles

Leave a Reply

Submit Comment
*