Rai ka kynhun MDA ban pynjop ia u Conrad ha South Tura, ha Ranikor yn ia knieh

MDAShillong, Naitung 09: Ka jingialang jong ki seng sain pyrthei kiba ia don lang ha kane ka sorkar MDA mynta ka sngi ka long ba kin ia trei borbah ban pynjop ia u Conrak K Sangma  jong ka NPP na South Tura khang ba un dang iai beteng kum u nongialam ia kane ka sorkar MDA haduh ba kut kane ka san snem. La ong u symbut myntri rangbah u Bah Prestone Tnsong.

Ha kane ka jingialang na ka liang jong ka MDA kala ia kren ruh ia kaei kaba lajia ha Assam da ka jingpynmih ia ka NRC, na ka liang jong ka MDA kala ong ia ka sorkar ba kan dang pynkhlain ia ki khyrdop kiba la dep donlypa bad dei ban buh shuh ha ki jaka kiba ka don ka jingantad baki briew ki lah ban wan rung sha kane ka jylla.

Haba ia dei bad ka ain Meghalaya Safety and Security Act, 2016 bad kum juh ia ka rule jong kane ka jingialang jong ka MDA kala shim ia ka rai ban bishar bniah biang ia kane ka ain badki rule ban dang pynkhlain shuh shuh ia ka ban ia da na ka jingwan rung ki briew kiba na bar sha kane ka jylla.

Haba phai pat sha ka elekshon shiteng samoi ha Ranikor, lai tylli ki seng kiba ia don ha kane sorkar MDA kila pynieng ia la u jong u kyrtong, ka NPP ka la pynieng ia u Martin M Danggo, ka PDF ia u Bah PN Syiem bad ka UDP ia u Bah Pius Marwein.

U Bah Prestone u la ong ba ka seng NPP kan trei shitom ban pynjop ia u kyrtong jong ka party na Ranikor, ha ka juh ka rukom u Bah Hamlerson Dohlieng u la ong ba kum ka seng PDF kan trei shitom ban ioh bad u kyrteng ka seng u Bah PN Syiem un jop na Ranikor,  u Bah Metbah Lyngdoh, u la ong ba ka seng UDP ruh kan trei shitom ban pynjop ia u kyrtong ka seng u Bah Pius Marwein.

 

What Next?

Recent Articles

Leave a Reply

Submit Comment

*