Shillong, Risaw 14: Ka Amway Indi
a Kompeni ryngkat bad ka Bethany Society mynta ka sngi kila pynlong ia ka jingrakhe ia ka “International White Cane Day” ha kaba la sam 10 tylli ki Tandem Bicycles sha ki briew ki don ia ka jingduna ha ki dkhot sha ki khynnah pule kiba don hapoh jong kane ka jaka pule.
U G.S. Cheema, u wei na ki Vice President – North and East, Amway India, ha ka jingkren ka jong u la ong ba ka Amway ka dei kawei na ki kompeni kiba juh wan sha khmat ban noh syniang sha kito ki briew kiba don ia ki jingduna ha ki dkhot met . Na ka liang jong ka Amway ka kwah ban kyntu ia ki ba kin don ia ka jingsngew shngian ha lade. Na ka liang jong ka kompeni ka kwah ba ha ki snem kiban wan ka don ka jingkyrmen ba kan lah ban leh bun kiei kiei na ka bynta jong ki.
U Carmo Noronha, Executive Director, Bethany Society, u la ong ba “ Ka long ka jingphohsniew na ka bynta kiba don ka jingduna ha ki dkhot met ba kin ioh ban niah Baiskil ha surok kumba long lem kiwei, hynrei kim ioh ia ka lad ban pynurlong ia ka jingphohsniew ka jong ki, kane ka sin jam kaba ka Amway kala leh da kaba ai ia kine ki “Tandem bicycles” sha kane ka kynhun kan pynurlong ia kaei kaba ki khynnah ki angnud” la ai khublei ia kane ka jingleh sbun jong ka kompeni Amway India ba kala ai ia kane ka jingiarap ha kane ka sngi burom jong ka “International white cane day.”
Na ka liang jong ka Amway hapoh jong ka skhim kaba ki don ia kaba la tip kum ka “National Project for the Visually Impaired”, kala shim bun ki lad ai jingiarap bad haduh mynta kala lah ban iarap haduh 85,000 ngut ki briew, ym tang kane kala buh ruh ia ki jaka ai jinghikai computer naduh u snem 2008 ha ki 15 tylli ki jaka ha ka ri bad haduh mynta kila lah ban ai jinghikai haduh 1000 ngut ki briew. Kumba ka long mynta ka kompeni kala ai jingkyrshan ia palat 15 tylli ki seng trei mon sngewbha ha ka Ri baroh kawei.
