Sam “Sanitizer Dispenser” u bah Adelbert MLA sha ki jaka mane blei hapoh Konstitwensi

Shillong, Risaw 17: U MLA jong ka 17-Shillong North u bah Adelbert Nongrum mynta ka sngi u la sam ia ki “Sanitizer Dispenser” sha ki 47 tylli ki jaka mane blei kiba don hapoh ka Konstitwensi bad kum juh hapoh jong ka 19-Jaiaw MDC Konstitwensi.

Haba kren ha ka jingialang ban sam ia kitei ki Sanitizer Dispenser, u bah Adelbert, u la ong ba kaba kongsan ban ia khun ia kane kam khlam COVID-19 ka long ba shimet shimet hap ban shim ia ka jingkitkhlieh ban long kiba phikir.

Kane ka jingsam mynta ka sngi ka long ia baroh ki jaidniam kiba don hapoh ka Konstitnwesi, na duh ki seng khasi, Sikh, Hindu, Fellowship bad kiwei kiwei ki jaidniam kiba don ia ki jaka mane blei jong ki ha kaba baroh ki don 47 tylli.

Kane ka jingpynioh u MLA ka 17-Shillong North ia kine ki tiar ka long ba kin buh ha ki jaka mane blei ha kaba ki riew ngeit haba ki leit sha ki jaka mane blei kin ioh ban synreit dawai ia ki kti shuwa ban rung sha ki jaka mane blei ban iada na ka khlam COVID-19.

La iathuh ba ka jingthied ia kine ki Sanitizer Dispenser ka long ha ka jinglut kaba la kot sha ka T.2.72 lak, ha kane ka jingialang la wan na baroh ki kynhun niam ia kaba la sam paidbah hapoh Khasi National Dorbar Hall Mawkhar.

ka jingsam sha ki bynta kiba hap hapoh jong ka 19-Jaiaw MDC Konstitwensi ka long kum ka jingburom ia ki paidbah kiba la pynjop ia u ar sien kum u MDC jong ki ha ki shiphew snem bala laleit noh.

 

What Next?

Recent Articles

Leave a Reply

Submit Comment

*