Sdang mynta ka sngi ia ka jingialehkai State Level Mission Football Tournament 2018

STM18Shillong, Nailur 24: Ia ka jingialehkai kynjat ball ia kaba la tip kum ka ‘State Level Mission Football Tournament 2018’ na ka bynta ki kynthei bad shynrang kiba 15 haduh 18 snem kala mynta ka sngi ha J.N Stadium, Polo Ground, Shillong.

Ha kane ka jingialehkai ki kynhun kiba la wan ki long na baroh khatwei tylli ki District ha ka jylla baroh kawei. Ka jingpynlong ia kane ka jingialehkai ka long ban kyntiew ia ki kam ialehkai kynjat ball ha kane ka jylla Meghalaya bad da kaba pynlong ia kum kine ki jingialehkai ki samla na ki District baroh kin ioh ban ia shim bynta.

Lah ban pynkynmaw ba ha ka sorkar barim kala wanrah hapoh kane ka jylla ia ka “Football Mission” ka jingthmu jong kane ka long ban plie ka lad ia ki riew don sap ha kane ka kam ialehkai kynjat ball ha kane ka jylla na baroh ki dong bad ki thain jong ka jylla. Ia kane ka jingialehkai la pynlong da ka tnad ia lehkai ka sorkar jylla.

What Next?

Recent Articles

Leave a Reply

Submit Comment

*