Shah pynjot ki “Trap Camera” ba buh ka tnad khlaw ha Balpakram National Park

SONY DSC

Shillong, Jylliew 30: Iaki “Trap Camera” kiba la buh da ka tnad khlaw jong ka sorkar Meghalaya ha Balpakram National Park kaba don hapoh jong ka South  Garo District kila shah pynjot.

Haba kren ha u SP News Agency u Harish Choudhury ba dei peit ia ka bynta ki mrad khlaw ha ka jylla u la ong ba haduh mynta kam shym don kano kano ka kaiphot ban ong ba ki shah pynjot, hynrei u la ong ba ki don katto katne tylli ki la jah.

La iathuh ba ka jingthmu ba ki buh ia kine ki Komera ka long ban ringdur bad shon dur ia ki mrad kiba iaid ha katei ka jaka bad ha ka juh ka por ka long ban ioh ban thew ia ka jinglong jingman jong ki mrad ha ka met jong ki kiba iaid ha katei ka khlaw bala buh kyrpang.

La iathuh ba ia kum kine ki Komera la buh ha ki katto katne ki bynta ba kham kyndong ha katei ka khlaw bad la juh leit ban shim ia ki hapdeng ka 10 bad 15 sngi ban peit la ki don ne em ki mrad kiba iaid ha katei ka jaka hapdeng kine ki sngi ba buh ia ki komera.

Halor ka jingkynnoh ba ki don ki komera kiba la shah pynjot, u Choudhury u la ong ba un sa wad jingtip la ka long kaba shisha en em, hynrei u la ban biang ba ka dei ka jingshisha ba ki don ki komera kiba jah. Ka Balpakram National Park ka don ha South Garo Hills District ia khap bad ka South West Khasi Hills District.

 

 

 

What Next?

Recent Articles

Leave a Reply

Submit Comment

*