Shen yn kyntiew iaka Ri Bhoi College sha ka Community College:Lahkmen

Shillong, Iaiong 10: U myntri ba dei peit ia ka pule puthi ha ka jylla u Bah Lakmen Rymbui haba jubab ia ka jingkylli jong u Bah Mayralborn Syiem jong ka Nongpoh, u la ong bas hem ym sa kyntiew ia ka Ri Bhoi College sha ka Community College.

Ki jingmyntoi ia ka college na kane ka jingrah ia ka college sha ka Community College ka long ba ka sorkar kan ai jingiarap ar klur na ka bynta ban pynbiang ia ki jingdonkam ka college ha kaba shna pynbha.

Ha kaba ia dei bad ka jingthung ia ki nonghikai kan long katkum ki kyndon jong ka UGC bad ia ka jingsiew ia ka tulop ym bei da ka sorkar, katba ia ka college  ym pyniaid da ka Managing committee .

La ong ba ha ka jylla baroh kawei kin don san tylli ki Community College bad kine ki dei sha ki nongkyndong, kine community college kin don ia ka Arts Stream bad iaka Commerce Stream. Da ka jingdon ia kine ki college kan iarap ia samla pule na ki nongkyndong ban nym kiew sha ki jaka sor.

Haba ia dei bad kawei pat ka jingkylli kaba la wanrah da u Bah Syntar Klas Sunn ha kaba ia dei bad ka jingring um sha ki jaka rep ha Them Lyngkien, u myntri ba dei peit ia ka tnad pynneh pynsah ia ki um ki wah u Bah Metbah Lyngdoh, u la iathuh ba kala don ka jingpynkhreh ia ka DPR da ka WAPCOS Ltd bad mynta ia kane ka kaiphot dang peit  bniah ia don ka jingduna hangne hangtai.

Haba jubab ia ka jingkylli ha kaba ia dei bad ka jingpynmih ia ka bor ding ha ka jylla, u James K Sangma myntri ba dei peit ia ki kam bor ding u la ong ba ka sorkar kala dep ban ia soi bad 10 tylli ki kompeni ban pynmih bor dingha ka jylla naduh u snem 2012 bad mynta ki dang ia ka Techno Economic Clearance.

Na kine phra tylli ki dei ki jaka pynmih bor ding na ka um bad ar tylli na u Dewiong, katkum ka jingiateh kular ka jingpynmih bor ding na ka um kan long 799.07 MW bad na u Dewiong kan long 740 MW bad na ka Renewable Sources Energy kan long 120 MW.

 

 

 

 

What Next?

Recent Articles

Leave a Reply

Submit Comment

*