Shimti u Lalatendu Mohanti IPS, kum u IG ki shipai BSF ka jylla Meghalaya

Shillong, Lber 05: Ka kynhun shipai BSF Meghalaya Frontier kala ioh ia u Inspector General ba thymmai u  Lalatendu Mohanti, IPS, ha dien ba u P K Dubey u la shah thung noh hapoh jong ka BSF Acadeny ha Tekanpur. U IG bathymmai u la shimti ia kane ka kam ha u bnai Rymphang.

U IG, BSF ba thymmai u la pass ia ka IPS ha u snem 1989 bad u dei na ka bhah jong ka jylla Jammu bad Kashmir, ha kine snem jong ka jingtrei kam ka jong u la ioh ia ka khusnam kum ka,“President’s Police Medal for Meritorious Service” (PPM) bad  “Indian Police Medal” (IPM).

U L Mohanti, IPS ha dien ba u la shimti kum u IG jong ki BSF  Meghalaya Frontier u la ban jur ban pyndon kam ia ki kor ki bor jong kane ka juk ba mynta ban pahara ha khappud bad ba un peit iaka bha ka miat jong ki shipai iada khappud.

Lah ban kdew hangne ba ka jingiada ia u pud u sam hapoh jong kane ka jylla Meghalaya ka dei kawei na ki jylla kiba shitom haduh katta katta ha dien ba kila mih bun ki jingia kynad hakane ka thain.

 

What Next?

Recent Articles

Leave a Reply

Submit Comment

*