Shillong, Jylliew 21: U bah Wis Mawlong u ba trei hapoh Meghalaya House Kolkatta u la shitom mynta la kumba shitaiew eiei hynrei la kynnoh ba ki jaka sumar hapoh katei ka nongbah kim treh ban sumar kumta mynta ka sngi la wanrah da ka Ambulance sha Shillong.
Haba u SP News Agency u la ioh ban ia kren bad u wei na ki para ba iatreilang hapoh Meghalaya House Kolkatta la ong ba u Bah Mawlong u la shitom katto katne sngi hynrei kila pyrshang ban phah sumar ha ki jaka sumar ba don ha katei ka nongbah kila kyntait ban sumar.
Kumba ka long mynta ban ioh jingsumar hapoh katei ka nongbah ka long kaba shem jingeh, kumta kiba ia treilang ha Meghalaya house kila wat lat bad kila ioh ia ka Ambulance ban wan kit ia u sha Shillong bad mynta ka jan meit kila poi sha Civil Hospital Shillong ban ioh ia ka jingsumar.
Ki nongtrei hapoh ka Meghalaya House mynta ki don ha ka jingsngew syier ba lada ka long kumne kan buh jingeh ia kiba trei ha katei ka jaka namar lada jia ba ki shitom kim ioh jaka ban phah sumar bad ia kane la shem mynta ba ia u wei na ki para nongtrei la hap ban wan kit sha Shillong ban ioh jingsumar.
