Shillong, Naiwieng 14: Ryngkat bad ka Ri India baroh kawei ka nongbah Shillong ruh kala rakhe ia kane ka tamasa Diwali mynta ka sngi ha kaba bun na ki long iing long sem kila thang ia ki sharak ia ki sem.
Ha kylleng ka nongbah Shillong, khamtam ha ki thain police bazaar bad motphran bun na ki nongkhaii kiba don ia ki dukan ruh kila pynkhreh da kaba thang ia ki sharak ha khmat ku dukan jong ki ban rakhe ia kane ka jingle kmen Diwali.
Na ka liang jong ki bor ba dei peit ia ka District Administration kala buh ia ki kyndon ha kaba ia dei bad ka jingthang ia ki pataka mynta ka miet ha kane ka jinglehkmen ia ka Diwali ban iada na ka jingjaboh jong ka mariang.
Naka liang jong ki Magistrate ruh ki iaid kylleng kane ka sor Shillong ban peit ba kane ka jingle kmen kan iaid beit ba kan nym don kano kano ka jingpynkhein ia ki kyndon kiba la pynmih na ka ophis jong ka Deputy Commissioner jong ka East Khasi Hills District.
