Shillong, Risaw 27: Ka skul Sacred Heart Girls’ Higher Secondary School (SHGHSS), Mawlai, mynta ka sngi kala pynlong ia ka jingrakhe ia ka sngi burom ki kmie ki kpa bad ka phang pdeng jong ka jingrakhe mynta u snem ka long ba “ Ki kmie ki kpa ki dei ki jingai ba kordor tam jong u Blei”.
Ha kane ka sngi u kongsan jong kane ka jingrakhe u dei u Bah Embhahlang Syiemlieh MLA bad u shah khot kyrpang u Bah PT Sawkmie MDC jong ka Mawlai kila ia don lang ha kane ka sngi.
Ha ka jing kren jong u Bah Embhalang u la kyntu ia ki kmie ki kpa ba kin peit bha ia la ki jong ki khun ki kti ka jong ki bad ba ki dei ban ai ia ki khun ia kaei kaba ki lah na ka bynta ba kin san kin heh ha ka rukom kaba dei haka long briew man briew.
Ha ka jingkren jongu Bah PT Sawkmie MDC u la ong bay n nym lah ban klet ia ki kam ba khraw ba ki misionari kila leh bad ka long kaba don bok ban don ia kane skul ha kane ka jaka ba la pyniaid da ka baling na ka bynta ban kyntiew ia ka dong bad ka thain.
Ha kane ka sngi la pynkup burom ruh ia kito kiba la pass bha ha ka SSLC Exam 2017 ha kaba ka Prettynis Hadia kala ia don lang bad kane ka la nang pynphuh ia kane ka sngi rakhe burom ia ki kmie ki kpa. Ia ka jingkren pdiang burom la leh da ka Sister Meristella Ryngkhlem FMA bad la ai khublei da ka Sister Lydia Pala FMA.
