Shillong Jymmang 16: U Myntri Rangbah ka Jylla u Conrad K Sangma u la ong ba ha kine ki taiew ha shwa ban kut u bnai yn iakynduh bad u Myntri ka sorkar Assam u Himanta Biswa Sarma ban yn pynlong ruh ia ka juriplang ha kito ki jaka ba don ka jingiakynad ha Khanduli.
U myntri Rangbah ka jylla u Conrad u la ong ruh ba ha shwa ban kut mynta u bnai Jymmang un iakynduh ia u Myntri Rangbah ka Assam ban iakren ruh halor ka jingpynbeit ia u pud u sam jong ka bynta kaba ar hapdeng ki ar tylli ki jylla.
Halor ka jingiakynad kaba la jia ha Khanduli, u Conrad u la ong ba u la iaren na ka por sha ka por bad ki bor jong ka Sorkar Assam. La ong ba kin sa ia iakynduh ha kine ki taiew ha shwa ban kut u bnai bad kila rai ban don ka jurip lang ruh ia kito ki jaka ba don ka jingiakynad.
Kane ka long ban ai mynsiem ia ki nongshong shnong bad kumjuh ban bthah ia ki bor ba dei khmih ban kiar na kino kino ki jingleh kiba lah ban ktah ia ka shong suk,” ong u Myntri Rangbah ka jylla.
Shuh shuh halor ka jingkylli la kine ki jingiakynad kin ktah ia ka jingiakren iasuk , na ka liang u Conrad u la ong ba ka jingiakren iasuk ka long ban nym mih shuh ki jingiakynad kumba la jia ha ki 50 snem ba la dep.
U Myntri Rangbah u la ong ba mynta ki mih kine ki jingjia namar ba don ka jingiakajia jaka. ki sngewthuh ba ka long kaba donkam ban wad ia ki lad kham kloi khnang ba kum kine ki jingjia kin nym jia shuh.
