Shillong, Risaw 25: U President jong ka KHNAM Youth Wing u Bah Thomas Passah ha bakren ha ki nongthoh khubor ha dien ka jingiakren bad u myntri kam pynroi sor u Bah RV Lyngdoh, u la ong ba tang ban ioh pisa hap ban ia pein ia ka koit ka khiah jong ki paidbah kami a hap satia.
Ka jingdon ki ar tylli ki dukan ha ka jaka pynieng kali jong ka MUDA ha MUDA Complex, ka Baskin & Robin bad ka Subway kala pynduh noh ia ka jingkhangieit ha kaba ka lyer ban rung ban mih la dep ban shna mynshuwa ha katei ka jaka hynrei la pynduh noh da kaba buh ia kitei ki dukan ar tylli.
Na ka liang jong ka KHNAM ka kwah ban kyntu ia u myntri kam pynroi sorb a u dei ban peit bha ia kane ka bynta namar ka jingmih na ki tdem kali ha kane ka jaka ka ktah bha ia ka koit ka khiah jong ki paidbah bad kane ka jingpynduh noh ia kane ka jingkhang iiet ha kane ka jaka ka long kaba bakla.
Na ka liang jong ka seng ka kwah ban tip mano ba la ai jingbit ia kine ki dukan ar tylli kiba don ha kane ka jaka bad ka seng ka dang wad mynta da ka RTI ban lap ia ki jingshisha baroh, namar mynshuwa ha kaba shna ia kane ka jaka ieng kali kine ki dukan kim don.
Ha kane ka jingiakren na ka liang jong u Bah RV Lyngdoh myntri ba dei peit ia ki kam pynroi sor u la ong bay n sa peit ban leh ia kaba don kam.
