Shillong, Nailur 25: Mynta ka sngi u bah Balajied Synrem khun jong u Dr Donkupar Roy bam kwai ha dwar u blei u la thep ia ka nomination ha khmat jong u Returning officer jong u na ka party UDP ban ia khun ia kane ka ilekshon shiteng samoi ha ka 26-Shella Assembly Constituency ka ban long ha ka 21 tarik jong u bnai Risaw ban wan.
Ha kane ka jingleit ban thep kyrteng mynta ka sngi la synranlang ia u da ki nongialam jong ka party UDP, u bah Lahkmen Rymbui myntri ka sorkar jylla, u bah Sniawbhalang Dhar myntri sorkar na ka party NPP bad kiwei ki nongialam na ka konstitwensi.
Ha kane ka sngi la synranlang ruh da kiba ha iing ha sem bad khamtam eh ka kmie jong u bad ki para kiba la ia don lang ha kane ka sngi ban ai ka jingkyrshan ha kane ka jingiakhun ia ka MLA ilekshon shiteng samoi.
