Shillong, Iaiong 06: U President jong ka jong ka Mawmluh Cherra Cements Employees Union (MCCEU) u bah Shanlang Diengdoh la ong ba kila phah da ka jingthoh sha ka sorkar ba kan siew thikna noh ia ka tulop jong ki nongtrei haduh ba ka sorkar kan lah ban pyniaid biang ia ka karkhana pynmih dewbilat.
La iathuh ba ha ka jingthoh kaba kila ai sha ka sorkar ka long ba kila kyrpad ia ka sorkar ba kan siew noh ia kei kaba ki nongtrei ki dei ban ioh ia kaei kaba dang sah kaba la kot sha ka T.24 klur tyngka haduh mynta namar ba kila ia kynduh jingeh ban pynbiang ia ki jingdon kamha ki iing ki sem.
Na ka liang jong ka MCCEU ka kyntu ia ka sorkar ba kan pyntreikam noh ia ka karkhana dewbilat bad ha ka juh ka por la Kyntu ia ka sorkar ba kan pyntrei kam ia ka skhim ban kin shongthait khlem pat dei por lada don na ki nongtrei kiba kwah ban shognthait noh.
Na ka liang jong u Secretary u bah Pynskhem Lyngdoh la bynrap ba kane ka jingthoh kaba kila phah sha ka sorkar ka dei ka jingpynkynmaw namar ia kane ka jingthoh kila dep ban ai ha u snem 2022.
