Shillong, Nohprah 09: ka Federation of Khasi States ka phah shithi lyngba ka email sha u Conrad Sangma, Chief Minister jylla Meghalaya halor ka Kyndon 5 ka Annexed Agreement Jong ka Instrument of Accession (IOA) ki Khasi States kaba la pdiang da ka Sorkar India ha ka 17 tarik August 1948.
Ha ka shithi la kdew run ia ka jingma kaba lah ban mih namar ki Ain ki nang iaid shakhmat katba ia ki jingiakut IOA & AA khlem pat pyndep (la Suh lang ki dulir IOA & AA ha lane ka shithi).
La pynsngew Sha u CM ruh kumno ba ka kyndon 5 jong ka IOA & AA ka kren shai kdar ba ki Ain Ri India kin long katkum ki Riti Dustur Jong ki Khasi ha baroh kawei ka Ri Khasi Jaintia kynthup ki jaka Municipality of Shillong bad ka Cantonement kiba la kdew bakla hapoh ka Constititution Ri India ba kim ngat hapoh ka Ri Khasi.
La pynkynmaw ha u CM ba ki Hima Khasi States ba la Khlieh da ki Syiem ki Lyngdoh ki Sirdar Kim shym treh ban soi ia ka INSTRUMENT OF MERGER. ka dulir pyndam Riti Dustur ka ba dei ruh ka Dulir Pyndam Hima bad ka jinglong kyrpang u Khasi bad khamtam kaba Pyndam ia ka jinglong trai khyndew hapoh Kane ka Ri Khasi
Ha u April 2012 ka National Commission for Schedule Tribes ka la ai ka jingbthah lyngba ki jingbishar sha ka Ministry of Home Affairs ba Kan bsuh ia ka IOA & AA hapoh ka Constitution Ri India.
Kane ka Kam haduh kine ki sngi ym pat pyndep wat hapdeng ki jingpynkynmaw lyngba ki shithi kiba bun Sha ka MHA na ka tnad NCST.
La pynkynmaw ruh Sha u Chief Minister ba ka Federation of Khasi States ka la iai dawa ban pyntreikam noh ia ka ILP bad haba kane ka kam ym pat treikam kumno yn wanrah jubor ia kumkatei ka Citizenship Amendment Bill 2019 ka ban buh jingeh khamtam ia ki jaidbynriew riewlum ka jylla thain lam mihngi.
Kumta la kyrpad ia u CM ban shim khia ia ka Kyndon 5 Jong ka Instrument of Accession da kaba shim ruh ia ka Kyndon Section 7 Jong ka Indian Independence Act 1947 namar katkum kitei ki kyndon ka paw Shai ba ym lah ban don Cantonement lane Municipal of Shillong hapoh ki Khasi States bad ki dei ban hap hapoh ka jingsynshar Jong ka Federation of Khasi States.
Kumta la kyrpad ia u CM ban shim khia ban rah ia kitei ki mat ba la kdei haneng hakhmat ka Sorkar India ba Kan sngap bad ban adkar haba khreh thombor da ki Ain Jong u heh paid ha kaba Kan sa hap ban bah Khlieh ia ki jingiakhih ki jingkynad kiba lah ban mih namar kane ka jingpynkhih win ka Sorkar India da ki Ain kiba ia tyngkhu bad khamtam ki Khasi.
