Shillong, Naitung 27: Mynta ka sngi la pynmih ia ka jingpynbna sorkar bala soi da ka kong Ripnar Lyngdoh IAS Commissioner bad Secretary ka sorkar ba dei peit ia ka tnad Personnel bad A,R(A) bala thung ia u bah Donald Philips Wahlang IAS ban long u Chief Secretary jong ka jylla.
Ha kane ka jingpynbna sorkar kaba la pynmih mynta ka sngi la kdew shai ba un shimti ia kane ka kam ha ka 31st Natiung 2022, ha ka sngi kaba ka kong R V Suchiang kan shong thiat noh na ki kam jong ka nama kala dei ka por ban shong thiat.
U bah Donald Phillips Wahlang u la pass ia ka UPSC kum u IAS ha ka snem 1993 bad naduh katei ka por ba u la don ha ka sorkar u la bat bun ki tnad sorkar ha ki kyrdan bapher bapher bad mynta la shah thung kum u Chief Secretary ka jylla.
