Shillong, Nailar 11: Ban tip iala ki jong ki kynhun shipai jong ka Ri, mynta ka sngi ki shipai ryngkew kila pynlong ia ka jingpyninam ia ki tiar ia leh sha ki paidbah khamtam ia ki suloi ha 101 Area Upper Shillong.
Ha kane ka sngi ki khynnah skul na kylleng jong kane ka nongbah Shillong kila ia tuid sha kane ka jaka ban peit da la ki jong ki khmat ia ki tiar ia leh kaba ki shipai jong ka Ri India ki don ban pyni sha ka pyrthei bad kane ka long ruh ka kabu ksiar ia ki samla pule ban iohi bad ban ai mynsiem ia ki ba kin rung ha ki kam shipai ban iada ia la ka jong ka Ri.
Nalor ki khynnah skul ki riew paidbah ruh kila ia tuid sha kane ka jaka ban peit ia kane ka jingpyni nam jong ki shipai shuwa ban rakhe ia ka sngi ioh laitluid jong ka Ri. Kane ka jingpyninam kam dei tang ia ki tiar ialeh hynrei ki tiar tem tiar pud kaba ki shipai ki pyndon kam.
