Shillong, Jylliew 15: U Bah Prestone Tynsong Symbut Myntri Rangbah ka jylla u la ong ba Lada u MLA jong ka North Shillong u bah Adelbert Nongrum u kwah ban mih noh na ka kynhun Meghalaya Democratic Alliance (MDA) ruh kam lei lei.
U Bah Prestone nongialam ka party NPP kaba ia lam kane ka sorkar u la ong ba u Bah Nongrum u la dei u nongmih khmat paidbah u la dei ban sngewthuh hi. La iathuh ba na ka liang jong u bah Prestone u la ong ba u la kren ia u MLA North Shillong mynta ka sngi.
Ka rai ban pynieng ia u Dr W Kharlukhi kum u kyrtong MP sha Rajya Sabha kam dei ka rai shimet jong no jong no hynrei ka dei ka rai jong ka kynhun MDA ha kaba u long u lamphangjong ka committee ha kaba baroh ki kynhun jong ka sorkar MDA kila ia don lang bad shim ia kawei ka rai ban pynieng ia u Dr Kharlukhi.
La iathuh ruh ba ka jingialang jong ka kynhun MDA kan long ha ka 17 tarik mynta u bnai ban ia kren ia kane ka kam ilekshon MP sha Rajya sha bha ka ban long ha ka 19 tarik mynta u bnai.
