Shillong, Risaw 28: Mynta ka sngi u Jamil Ahamed president jong ka Meghalaya State Unit jong ka Lok Janshakti Party (LJP) u la pynbna ia ki ar ngut ki kyrtong ba ka seng kan pyniakhun ha kane ka MLA election 2018 na Pynursla Konstitwensi East Khasi Hills, u Bah Danis Tynsiar bad ka Arelitha K Sangma na Selsella jong ka West Garo Hills.
Ia kane la pynbna da u President jong ka LJP Meghalaya State Unit u Jamil mynta ka sngi ha Shillong Press Club. Haba kren ha ki lad pathai khubor u la ong ba ka seng kan ia leh ban pynieng ha ki 30 tylli ki Konstitwensi ha kane ka Election MLA ha u 2018 ha kane ka jylla Meghalaya, hynrei u la ong ba ka party kan nym pdiang riew rim kiba la jop teng ka kwah da kiba thymmai.
Na ka liang jong u president jong ka LJP u la kynthoh ba ka party PDF ka dei ka party jong ki riew rim ha u bilor u ba thymmai, Ka LJP kam kwah ban pynrung ia ki ba rim ka kwah beit ia kiba thymmai bad kiba ym pat don kano kano ka dak thobria ha kino kino ki liang baroh. Kane ka dei ka jingkwah jong ka party LJP.
La ong ba ka jingangnud jong ka LJP ka long beit na ka bynta ka roi ka par jong ki nongkyndong, u la ong ba lada la pyndon kam tang shiteng ia ka pisa kaba la phah da ka sorkar pdeng na ka bynta ki paidbah ki nongkyndong ha kane ka jylla kin nym sah dien kumba ka long mynta, u ban shuh shuh ba kat sha ba u phai ha ki nongkyndong ka jylla Meghalaya kala sah shrah sha ba palat. Lada ka LJP ka wan ha ka bor kan phai nyngkong sha ki nongkyndong.
