U Bah K S Rani u ong ba ka HNYF ka ai jingkyrshan  ia ka dorbar shnong Lawsohtun

Shillong, Naitung 12: U Bah K S Rani Vice President ka seng kmie H.N.Y.F, Shillong ka kwah ban pynpaw ia ka jingkyrshan ba pura ia ka dorbar shnong jong ka Lawsohtun hadien ba ki la long ki ba kloi ban leit buh Ejahar pyrshah ia ka kong Patricia Mukhim , kum ka nongthoh kot khubor, ka ba la long kaba kloi ban sakhi ba ki ba donkti ha ka jingshah shoh ki samla ha Lawsohtun.

Kane  ka jingleh jong ka, ka dei pynban ka jingkyn shoit ban iashun jaitbynriew ha ka jylla. Kum ka HNYF ka pynrem jur ruh ia ka jingpyn thohbria jong ka ia ka dorbar shnong lawsohtun da kaba kynnoh ba kim shym la peit pyrman , kane ki sngew ba ka buh ia ka kyrdan ki Dorbar Shnong lakum ba ki don bynta ha ki kam iashoh iadat jongno re jongno bad mano re bad no

Kane ka long kumba kala kala tan lang ia ki dorbar shnong baroh ba ki Don bynta ha ka jingia umsnam ba lah jia naduh ki snem 1979 ter ter. Kane ka dei ka jingpynbud nam ia ba baroh ki Dorbar Shnong ba don ha Bri u Hynniewtrep, bad ki lah dei ban ieng pyrshah bad ban kyrshan ia ka sien jam jong ka dorbar shnong lawsohtun ha kum kane ka por, bynrap shuh shuh  ka HNYF.

Ka jingkynnoh jong kane ka nongthoh kot khubor ka lah ban ialam bakla wat ia ki bor Pulit ruh ba kin tohkit khlem da buh jingpynkut lupa ba kita ki nong thombor kin dei beit ki Khasi . Hynrei kum ka Seng HNYF ka sngew ban pynpaw ia ka jingshah niah ia ka Police Department ba kan leh ia la ka kamram khlem iashah liang iano iano ruh.

Ka HNYF kyrshan pura ia ka FIR jong ka shnong Lawsohtun pyrshah ia ka Kong Patricia Mukhim namar kaei kaba i kren ka long tikna ba ka dei ka jingwanrah ia ka jingiapher jaitbynriew bad ka seng HNYF ka kyrpad ia ki bor pulit ban trei kam noh mardor halor ka FIR jong ka dorbar shnong lawsohtun.

Ha kawei pat ka bynta kum ka seng kaba lah iohi ia ki jingeh ba u ba bun ba lang u ia kynduh na duh ba sdang ka lockdown namar ka khlam COVID 19 ba kumno ki paidbah ki lah ia snoh kti lang bad ki bor sorkar ban teh lakam ia ka jing saphriang une u khniang jingpang ,kiba bun ki lah duh ia ka kamai ka jih, ka suk ka sain wat ka Koit ka khiah tangban ia trei lang bad ki bor sorkar halor kane ka khlam COVID-19 .

Hynrei ka ba sngewsih pat ka long ba kumno wat hapdeng ka jingphikir ka sorkar ia kata ka jingrung jingmih ki briew inter State inter District hynrei jan 50 ngut ki poi khawai iathoh shongkurim ha Guwahati.

Nalor ba ka sorkar ka lah leh ban ong ia ki long iing kita ki nongiathoh ban siew ia ka bai Quarantine ki 41 ngut , kata ka dei ka bynta ban ai jingiaroh ia ka sorkar, hynrei nalor ka jingpynkhein jong ki ia ki Protocols ne kyndon ban bud ha kum kane kapor dei ruh ban pynshitom iaki katkum ki kyndon jong ka IPC bad Crpc namar ki la thok lah jler kat ia ki bor sorkar.

Ka HYNF ka iohi lyngba ki lat pathai khubor ba ki pan permission ban leit tang hapoh khyndiat ngut hynrei poi pynban haduh 41 bad ki wan rah ruh Syndon ia ka jingsa phriang u ne u khniang jingpang ha nongbah Shillong. kumta dei ban pynshitom ia jingpyn khein ia ki kyndon iakhun COVID-19 bad ruh halor ba ki lah thok lah shukor ia ki bor ain, la ong u Bah K S Rani Vice President ka HNYF Central Body.

What Next?

Recent Articles

Leave a Reply

Submit Comment

*