Shillong, Risaw 29: Ban pynpaw ia ka jingsngewsih halor ka jingkhlad kyndit u bah Nasar Marwein ki nongialam jong ka United Democratic Party mynta ka sngi kila pynlong ia ka jingialang sngewlem ha Conference Hall ha Meghalaya Legislative Assembly ha Shillong.
Ha ka jingkren jong u bah Titosstarwell Chyne Working President jong ka party u la ong ba u Bah Marwein u la ia don bad ka Party UDP naduh u snem 2000 bad u la ia khun ruh ia ka MLA ilekshon na ka party na Nongstoin Konstitwensi bad ha u snem 2019 u la ia khun ia ka MDC na Langrin Konstitwensi.
La iathuh ba ha ka jingshem jong u la ong ba u Bah Nasar Marwein u dei u briew u ba bat ia la ka jong ka kular bad u briew u ba bat ia ka nongrim jong ka party kano kano ka rai kaba ka party ka shim u kloi ban pdiang ia kaei kaba ka party ka rai.
Ia ka jingialang la pyniaid da u bah Paul Lyngdoh Working President jong ka party, u President jong ka party u bah Metbah Lyngdoh u khlem poi sha kane ka jingialang namar ba u da khlain, la ong u Bah paul.
Ki nongialam ka party kiba la ia don lang ha kane ka sngi ki long u Bah Lahkmen Rymbui, Bah Brolding Nongsiej, Bah Nujorki Syngoh, ki para MDC bad kiwei kiwei ki nongialam jong ka party ia ka jingduwai sngewlem la duwai da u Bah Martle N Mukhin dkhot jong ka Regional Party Alliance.
