Shillong, Lber 06: U bah Teinwell Dkhar u la jop ia ka ilekshon Chief Executive Member hapoh jong ka Khasi Hills Autonomous District Council khlem da don ban ia khun pyrshah na ka bynta kane ka kam CEM hapoh ka iing dorbar jong ka KHADC.
Kane kala long ruh kum juh na ka bynta ka shuki kam Lamphang hapoh ka iing dorbar jong ka KHADC ha kaba u bah Pynshngianlang Syiem u la jop khlem da don ba ia khun pyrshah namar ba ym don ba thep kyrteng ban ia khun ia kane ka ilekshon lamphang hapoh jong ka KHADC.
U Secretary jong la Legislative jong ka KHADC u Bah M Kharkrang u la iathuh ha ki lad pathai khubor ba namar ba ym don ba thep kyrteng lait noh tang u bah Teinwell Dkhar na ka bynta ka kam CEM bad u Bah Pynshngianlang Syiem na ka bynta ka kam lamphang, da ka jingbym don ba thep kyrteng kine kila jop khlem da don ba ia khun pyrshah.
Hynrei u la ong ba ia kane yn sa pynbna hapoh ka iing dorbar la shai ka sngi da ka Deputy Commissioner jong ka East Khasi Hills District. Katkum ka jingpynbna jong u Lat ka jylla ka long ba ia ka jingiashong dorbar ban jied ia u Chairman yn pyniaid da ka Deputy Commissioner la shai ka sngi.
