Shillong, Rymphang 24:u Inspector general jong ki shipai BSF u ba dei peit ia ka Eastern Frontier u P K Dubey, u la ong ba ki kynhun kaikhlaw kiba dang don ktem hapoh jong ka Ri Bangladesh ki na kane ka dong shatei lam mih ngi jong ka Ri India ki don sa tang lai tylli.
Na kine ka seng lehnoh HNLC ka don lai tylli, ka ULFA jong ka jylla Assam ka don ar tylli bad ka seng lehnoh GNLA ka don tang kawei, na ka liang jong u IG jong ki BSF u la ong ba kine ki ktem jong kitei kis eng lehnoh ruh kimd dei shuh kiba don ia ki iing ki sem kumba mynshuwa mynta ki la long noh tang kum ki dara namar ba ki hap ban phet na kawei ka jaka sha kawei pat ka jaka namar ba ki shipai jong ka Bangladesh ki khynra man ka por.
Na ka liang jong u IG jong ki BSF, u la ong ba une u nongialam jong ka seng HNLC u ba dang rih tngen ha Bangladesh u shong u shah ha Kathie ka Ri da kawei ka kyrteng, bad leh se u shong kurim ia kabriew kaba na ka thie ka Ri Bangladesh, na ka liang jong ki shipai jong ka Bangladesh ki dang thwet ia u mynta ban lap ia ka kyrteng jong u, La ong ba ki dkhot jong ka seng HNLC ki don sa tang khyndait bha mynta bad kim shym sha ki ktem jong ki.
La ong ba ha ka jingialang ha ka kyrdan jong ki DG Level kaba la long ha ka nongbah jong ka Ri Bangladesh na ka liang jong ki BSF kila ai da ki sabut ia ka jingdon jong ki ktem lehnoh na kane ka thain sha ka thie ka Ri Bangladesh bad na ka liang jong ka Bangladesh ruh kala shim khia ban kynra ia ki lehnoh na ka thie ka Ri, hynrei ka jingeh ka long ba kiba don ha Bangladesh ki ai noh da kawei ka kyrteng,
Ha kane ka jingiakren na ka liang jong ki shipai BSF, kila kdew ruh ba ka pisa thok kaba la rung na Bangladesh sha India ia kaba la ioh ban kem kumba ar lak tyngka ha Jan Malda jong ka West Bengal kala kdew shai ba kane ka dei ka kam jong ka ISI jong ka Ri Pakistan da kaba pyndon kam ia ki briew jong ka lyngba ka Bangladesh.
