Wan jngoh u Dr Sudhir ia ka jaka ba shah ban ki briew ha krem dewiong ha Ksan

Shillong, Lber 24: U Dr Sudhir Kumar ba dei na ka National Institute jong ka Hydrology Rourkee u la wan jngoh da la de ia ka jaka ba shah ban ki briew hapoh krem dewiong ha Ksan ha East Jiantia Hills ban sngewthuh kham bha shuh shuh ia ka jingjia.

Kane ka jingwan jong u Dr Sudhir kala dei ka sien kaba ar bade kane ka jingwan jong u ka long katkum ka jingbethah jong ka iing bishar ba ha khliehduh jong ka Ri ba un wan jngoh ia kane ka jaka da la de halor ka jingpump noh ia ka um na kitei ki krem dewiong bad un hap ban ai ia ka kaiphot sha ka sorkar.

Ha katei ka sngi la wan lang ruh u A N Prasad muktiar ba ai ia kane ka mukotduma, u ruh u la wan khnang ban peit ia ka jingtan ia ka um na kitei ki krem dewiong. Ha kane ka jingwan jong u, u la leit ruh ban ia kynduh ia kiba ha iing ha sem jong kito kiba la khlad ha kane ka jingjia ba sngewsih.

Ha ka juh ka por ka jingpynkhreh ban pump ia ka um na kine ki krem dewiong ka dang iaid sha khmat ban buh sa kiwei ki pump thymmai. Na ka liang jong ki bruew kiba don ha kane ka jaka kila iarap ia ki ban pynsted ha kaba pyndait ia ki kor ki bor.

What Next?

Recent Articles

Leave a Reply

Submit Comment

*