Shillon
g, Jymmang 20: Mynta ka sngi ar ngut ki dkhot jong ka seng HNLC kila wan ban pyndem wait hakhmat jong u myntri kam poh iing ka jylla u James K Sangma ha ka jingiadon lang u DGP jong ka tnad pulit u Dr SB Singh.
Kine ki ar ngut ki dkhot jong ka seng kiba la wan ban pyndem wait ki long u Bah Aiborlang Thongni 36 snem ia u ba la juh tip da ka kyrteng sin u Bahbah na ka shnong Mawpud jong ka South West Khasi Hills District. U Bah Aiborlang u la rung sha ka seng ha u snem 2001.
Kawei pat kaba la wan pyndem wait mynta ka sngi ka dei ka kong Rishalin Syiemlieh 27 snem ka rta na ka shnong Phodjaud bad ha ka por ba ka leit ban rung sha ka seng lehnoh HNLC ka dang don ha ka rta 14 snem.
Ha dien ba kine ki ar ngut kila rung sha ka seng Bangladesh, la rah ia ki sha Chitagong naka bynta ban ai jinghikai ia ki ha ki kam siat suloi. U Bah Aiborlang u la dei u wei na kiba la slem bha ha ka seng HNLC bad u la juh sah ruh haka jaka ba la tip kum ka Bilwa ha Bangladesh.
Katba ka kong Rishalin Syiemlieh ia kaba la tip ruh kum ka kong Lin kala long kawei na ki dkhot kaba slem bha na ki kynthei. Ka kong Rishalin ka don ka jingiajan bha bad ki nongialam jong ka seng HNLC.
Kine ki ar ngut ki dkhot jong ka seng HNLC kila ia poi kha ha u snem 2013 bad mynta kila don ar ngut ki khun. Kaneka rai ba kila shim ban pyndem waitnoh ka long ba ki kyrkhat ia la ki jong ki khun lada kim lah ban pynheh pynsam ia ki ha ka lynti kaba dei kan ktah ia ki ha dien ha bud dei na kane ka daw ba kila shim ia kane ka rai ban wan pyndem wait mynta ka sngi.
