Shillong, Nailur 25: U Chairman jong ka Meghalaya Tourism Development Corporation (MTDC)u Bah David A Nongrum u la ong ba ka sorkar pdeng lyngba jong ka ministry tourism kan bei pisa T.20 klur ban shna ia ka Umiam Lake Resort.
U Chairman ka MTDC, u la iathuh ha u SP News Agency, ba baroh ki hotel kiba don ha kane ka nongbah Shillong ki jingthiah ki don tang 1600 tylli ba kane kala buh ia ki jingeh ia ki nongwan jngohkai pyrthei ba kin ioh jaka sah.
Na ka liang jong ka MTDC ka pynshlur ia ki briew ba kin wan sha khmat ban buh ia ki jaka sah jong ki tourist ia kaba la tip kum ki “Home Stay” namar ka jingwan jong ki nongwan jngohkai pyrthei sha kane ka jylla kala nangkiew na ka snem sha ka snem.
Na ka liang jong ka MTDC kala phah bun ki skhim sha ka sorkar pdeng bad kawei na kita ki skhim ka sorkar pdeng kala mang pisa T.20 klur ban shna ia ka ‘Umiam Lake Resort’ badkane kan kyntiew ia ki kam shangkai ha kane ka jylla.
U Bah Nongrum u la ong b aka kam jngohkai pyrthei kan sa pynkylla ia ka ioh ka kot jong ki briew kane ka jylla, u la ai nuksa kum ka jylla Goa bad ka jylla Sikkim, u la ong ba bun na ki briew ki ioh kami oh jam ha ki hotel bad kiwei kiwei ki kam kiba ia dei bad ka kam jngohkai pyrthei.
