Shillong, Lber, 13: Ki nonghikai 4th Teachers ha ka jingialang kaba la long mynta ka sngi kila shim ia ka rai ba kin pynlong ia ka jin
giakhih jong ki ha ka sngi thohdieng ban wan ha khmat ka ophis jong ka Directorate of School Education and Literacy, Laitumkhrah, (DSEL) Shillong ban dawa na ka sorkar ba ka dei ban pynkiew noh ia ka tulop jong ki.
Ka kynhun ki nonghikai 4th Teachers Committee kaba don haduh 1521 ngut na baroh ki District ka Jylla, ha ka jingialang kaba la long mynta ka sngi ka la iathir sani bha halor ka jingleh mynthi ka Sorkar Jylla watla ka seng ka ladep phah da ka jingthoh naduh u snem 2013 ban dawa na ka sorkar ba ka dei ban leh ei ei noh ha kaba ia dei bad ka jingpynkiew ia ka tulop jong ka jong ki kaba ki ioh mynta tang T.6000/-.
U Bah Aristotle Rymbai, President ka MSSASA, haba iakren bad u nongthoh khubor u la ong, naduh u snem 2013 ki nonghikai 4th Teachers ki la dawa na ka Sorkar Jylla ba kan pynkiew ia ka tulop kaba mar iaryngkat bad ki nonghikai SSA kiba hikai ha skul SSA UP bad LP ha kylleng ka jylla baroh kawei.
Kat haduh mynta ki nonghikai 4th Teachers ki ioh ka jingsiew tulop kaba tang T.6000 shibnai. Dang shen ka PAB jong ka MHRD ka la pynbna ban pynkiew ia ka tulop ki nonghikai SSA na ka bynta ki UP
la bun tylli ki jingthoh ba ngi la phah naduh u snem 2013 sha ka Sorkar hynrei kam shym la leh eiei, ka Myntri ka tnat DSEL ha ka jingiakynduh ia ngi ha u bnai Kyllalyngkot mynta u snem ka la iathuh ba ladep ban pynbiang lut nadong shadong bad kaba sah ka dei ha ka kti u Myntri Rangbah.
La ong ba lada ka Sorkar Jylla kam sngap ia ka jingdawa hadien ba ki Nonghikai 4th Teachers ki la pynbna mynta ka sngi, ki nonghikai kim banse ban bteng biang sa da kiwei pat ki jingiakhih bajur.
Ha kajuh ka por une u Nongialam ka MSSASA ula khot bad wer ruh ia ki nonghikai SSA UP bad LP ba kin wan iashim bynta lang ha kane ka sngi ban ai mynsiem bad ai jingkyrshan ia kane ka kynhun ki nonghikai.
