Shillong, Iaiong 02: U Returning ophisar jong ka 1-Shillong (ST) Parliamentary Konstitwensi mynta ka sngi la maham da kaba ong ba kino kino kiba pynphriangh ia ki khubor lamler kiba lah ban wanrah ia ka jingiakynad hapdeng ki jaidbynriew yn pynshitom ia ki hapoh ki kyndon jong ka IT Act.
Ia kane ka jingmano kan long na ka bynta jong baroh ki lad pathai khubor kyntup ruh ia ki Social Media, kumta na ka liang jong u Returning Ophisar jong ka 1-Shillong Parliamentary Konstitwensi u la kyntu ia ki paidbah ban kiar na kaba pynshaphriang ia ki khubor lamler khang ban lah ban pynneh ia ka shong suk shongsian.
